Kuala Lumpur Wulchechratzer (9)
D' Hauptstadt Maleisies, normalerwis 'KL' gnännt, ligt uf halbem Wäg i Wescht Maleisie. Gründet 1857 vo 87 Männer, zählt KL hüt meh als 1,3 Millione Iwohner (und wachst schtündlich wiiter ;-) Dementschprächend findet me im Zäntrum au hinder jedem Eggä e Bauschtell.
Was hät KL z'büte? Natürli die wältberüemte Wulchechratzer, inklusive dä Petronas Twin Towers, wo mit 451 Meter die höchschte Gebäude vo dä Wält sind (Schtand 1998). Denäbe hät's aber au no e ganzi Reihe vo intressante alte Gebäude, wie zum Bischpiel dä Hauptbahnhof oder 's Sultan Abdul Samad Gebäude. Natürli fählt au e alti 'china town' mit emene tägliche Markt nöd. Obwohls im Zäntrum (vorallem für d' Fuessgänger) sehr äng isch, hät's doch i Zäntrumsnöchi verschideni Parks, wo eim zu emene Schpaziergang iladet. Wie Du viellicht erwartisch, hät's natürli au jedi Mängi a Tämpel, Schreine und Moschee i KL. D' Umgäbig vo KL bütet diversi Möglichkeite für Usflüg.
(All Ufnahme sind im Summer 1995 gmacht worde.)
Taman Negara (national park) (9)
Im Härze vo dä Malaysische Halbinsle gläge, erschtreckt er sich dä Taman Negara über ä Flächi vo 4343 Quadratkilometer. Dä Rägewald isch mit 130 Millione Jahr dä eltischt vo dä Wält und bsitzt a vielfältigi Pflanzc- und Tierwält. Leider isch es nöd eifach die Tier au z'gseh, da sie sehr schüch sind. Im Park findet me alles vom vollusgrüschtete Ferieort bis zu extrem Trekking Toure i unbewohntes Gebiet.
Wahrschindlich die bekanntischt Ferieinsle vo Maleisie. Nännt sich sölber 'D' Perle vom Oriänt'. Liit im Norde a dä Weschtküschte und bütet alles vom 'in' Schtrand Batu Feringhi bis zu einsame Buchte. Absolut sehenswärt sind d'Tämpel (insebesonders dä Kek Lok Si), Georgtown und dä Penang Hill
Ligt wie Penang im Norde, allerdings vor dä Oschtküschte i dä nächi vo Kota Bahru. E witeri sehr schöni Insle, wo no fascht kei touristischi Infraschtruktur bütet. Es hät nur eis einzigs 'Resort' und dezue no einigi günschtigi Unterkünft. Zum Ziitvertrieb cha me churzi Wanderige mache oder a eim vo dä Schtränd unändlich schön entschpanne. Relax :-)
Ligt vor Merang im Süde vo dä Oschtküschte. Nännt sich sälber 'Eini vo dä 10 schönschte Insle vo dä Wält'. Es isch würkli ä sehr schöni Insle, allerdings han ich die andere 9 nonig gseh... ;-) Uf dä Insle sälber hät's es riesigs 'Resort' mit Golfplatz und jedi Mängi vo günschtige bis sehr billige Unterkünft. En ideale Usgangsort zum Tauche, Schnorchle und Wandere.
Ligt i dä Mitti vo dä Oschtküschte. Cherating isch es sehr bekannts Ferieort mit Unterkünft i jedere Prislag. Sehenswert isch dä mehreri Kilometer langi Sandschtrand. Cherating isch au als guete Surfspot bekannt.
Da han i no alles übrigblibeni zämmegfasst. Malacca, Kuala Terengganu, Tänzerin und anders...