TECHNISCHI INFOS
...DAS WONI SO ZUM PHÖTELE BRUUCHET HAN


S'PHOTITECHNISCHE
All Phöteli uf däne Siitene hani ohni Filter gmacht (ok, ok, d'UV-Filter zum Schutz vo dä Linse mal uusgnoh).

Maischtens hani 200er Film (Kodak Ektar, Kodak Gold III), sälte 100er (Kodak Gold) oder 400er (Kodak Gold) verwändet.

Mini Photi-Usrüschtig beschtaht us:

  • Minolta Dynax 5000i (mit zusätzlichem Ziit- und Bländeautomatik-Chip)
  • Tokina 24-70mm, 2.8-4
  • Sigma 70-300mm, 2.8-4.5
  • chliises Raiseschtativ
  • und ere Photitäsche

Usserdäm sind dur's Umeträge vo dä Photitäsche mini ärm so öppe um 10cm id'Längi zoge worde...
S'KOMPIUTERTECHNISCHE
S'Digitalisiere vo dä Negativ hani emene Photischtudio überlah, d.h. ich han e Photi-CD mache lah.

Die Siitene woner läsed hani ufemene Windoof-PC (Pentium 133MHz, 16MB RAM) gmacht. Debii isch mer es sälbergschribnigs Programm, wo s'Leiaute vo dä Siitene übernimmt, ganz hilfriich gsii.

Mängi Schtunde sind drufgange um all die Siitene z'mache - aber was macht mer ja nöd so alles im Läbe...